မြန်မာ့နှစ်သစ်ကူး အတာသင်္ကြန်ပွဲ မြန်မာအမြဲတမ်းကိုယ်စားလှယ်၏ နေအိမ်၌ ကျင်းပခဲ့ခြင်း
ဂျီနီဗာမြို့ရှိ မြန်မာအမြဲတမ်းကိုယ်စားလှယ်၏ နေအိမ်တွင် ၁၃-၄-၂၀၁၈ ရက် (စနေနေ့)၊ မွန်းလွဲပိုင်းတွင် ဆွစ်ဇာလန်နိုင်ငံသို့ ခေတ္တရောက်ရှိနေသည့် မြန်မာနိုင်ငံမှ ကိုယ်စားလှယ်များ၊ ကျောင်းသူ/ ကျောင်းသားများနှင့် ဆွစ်ဇာလန်နိုင်ငံရှိ မြန်မာ အသိုင်းအဝိုင်းတို့အား ဖိတ်ကြား၍ မြန်မာ့နှစ်သစ်ကူး ရိုးရာအတာသင်္ကြန်ပွဲအား ကျင်းပခဲ့ ပါသည်။
အမြဲတမ်းကိုယ်စားလှယ် ဦးကျော်မိုးထွန်းနှင့် မြန်မာအဖွဲ့ရုံး၊ ဂျီနီဗာမြို့မှ ဝန်ထမ်း မိသားစုများက တက်ရောက်လာကြသည့် ဧည့်သည်တော်များအား မြန်မာ့ရိုးရာ အစား အစာများ ဖြစ်သည့် အုန်းနို့ခေါက်ဆွဲ၊ မုန့်လက်ဆောင်း၊ မုန့်လုံးရေပေါ်၊ ကျောက်ကျော၊ လက်ဖက်သုပ်၊ အကြော်စုံ တို့ဖြင့် ကျွေးမွေးဧည့်ခံခဲ့ကြပါသည်။
မြန်မာအဖွဲ့ရုံးဝန်ထမ်းမိသားစုများနှင့် ဧည့်သည်တော်များသည် သင်္ကြန် တေးသီချင်းများနှင့် အကများကို အတူတကွ ပျော်ရွှင်စွာ သီဆိုကကြ၍ အမှတ်တရစုပေါင်းဓါတ်ပုံများ ရိုက်ကူးကြကာ နှစ်သစ်ကူးအတာသင်္ကြန်ပွဲအား တပျော်တပါး ပါဝင်ဆင်နွှဲခဲ့ကြပါသည်။
********************